الشاعر خالد العتيبي وقصيدته في مدح الرسول صلى الله عليه وسلم

[ابن امه]

فعت سمر الجدايل وانتخت بالقذلـة الهلّـة

تبي مني عروسٍ للقصيد ازريت لاغويهـا

ويوم اني لقيت لْها الخلوج وجيت ابا اوصله

تنحرك الكـلام اللـي فهقهـا دون مغليهـا

خضع لك راس مسبوق القصايد وانحنى كلّه

وانا بك شاعر الدنيـا ومشغلهـا وماليهـا

يذكرني رحيلك مجلـسٍ باقـي علـى حلـه

مداهيل الرجال اللـي تنومسنـا مواطيهـا

هنا سليت سيفٍ يوفي الثارين مـن سلّـة

هنا علقت رمحٍ يطعـن الجـوزا ويطفيهـا

هنا بينـت مصحفـك الكريـم ودلنـا دلّـه

معك نبدا مواعيـد الكـلام وننتهـي فيهـا

هنا ساقيت غصنٍ من غلا كنّا تحـت ظلـه

نسولف بالغنـا يابايـع الدنيـا وشاريهـا

هنا كان الرجل جبال ما تقبـل خنـا الزلّـة

عمايمها سحـاب وابلـة باقـي مواضيهـا

رجالٍ لو تشوف الما غدر مـا شربتـه لله

نبت عشب الرضا ياسيدي بـأول مغازيهـا

هل التوحيد وكنوز العلـوم ونصـرة الملـة

رجالٍ يضحـك التاريـخ لاولهـا وتاليهـا

هنا ماضيك ورياض الخليل اللي رعى خلـه

شربنا عذبها مـدري لعبنـا فـي مغانيهـا

هنا..تخنقني العبرة وانا اكتب يارسـول الله

على قبرك نسيت الناس حاقدهـا وحانيهـا

وهو قبرٍ يتيه مـن الفخـر بالبيـد وتجلّـه

على حسدٍ تبين مـن سمايمهـا وصاليهـا

ويهناك الوفا قبرٍ يضمك فـي ثـرى تلّـه

مدامه بين فردوس الجنان وبيـن منشيهـا

وانا لامن ذكرت فراقك اللي في يدي غلّـة

نسيت ان الليالـي شيبتنـي مـن بلاويهـا

على بعد الزمان اللي يعقد الحبـل ويحلّـه

لى مني ذكرتك طاحـت الدمعـة وراعيهـا

سـلام الله ماهـز الصبـا نسرينـه وفلّـه

على الطفل اليتيم اللي عطا الدنيـا معانيهـا

[عبيد الشريف]

بارك الله فيك أخوي ابن امه على هذه القصيده الرائعه لاعدمناك يالغلا

[ابن امه]

اشكرك على المتابعه ولاعدمتك

[سلطان المشوح]

سلمت يمينك على هالقصيده الرائعه

وليت باقي الشعار نفسـه بس

[ابن امه]

مشكور ونسال الله ان يكثر الشعراء الذي يخافون الله فيما يقولون

[مدير إدارة]

دائما متميز اخوي ابن امه في النقل والطرح الرائع ع العموم تشكر اخوي ابن امه وصح لسان الشاعروالاستاذ خالد العتيبي تحياتي للجميع

[ابن امه]

مرحبا الف يابوسلطان