نداء عاجل إلى معالي وزير العدل حفظه الله ؟؟؟

[كحيلان]

بسم الله الرحمن الرحيم

السلام عليكم ورحمة الله وبركاته ،،،، وبعد،،،

معالي الوزير ...

نحنوا الموظفين بالمحاكم الشرعيه ... نعاني من ضغط العمل ونعاني من مشاكل متعلقه في الأداره ونعاني من مشاكل المراجعين ونعاني من بعض القضايا التي نطلع عليها نريد ان نعالجها من هذا المنتدى ...

معالي الوزير ...

أتمنى أنا وزملائي منسوبي وزارة العدل النظر في بعض الأمور التي تخص الموظف وان تحل من هذا المنتدى الذي يتأمل فيه شريحه كبيره من الموظفين ويكون منبر لهم لأيصال همومهم ومعاناتهم لمعاليكم ...

هذا والله يحفظكم والسلااااااااااااام

[محبكم في الله]

المنتدى راح يكمل سنة ولا احد من المسئولين الللي انا متأكد انهم يعقبون علية ساعدونا بشي
اهم شي لدى الوزارة هو القضاه وكتاب العدل اما الموظف الغلبان في حريقة تحرقة مين قاله يخش هذي الوزارة يستاهل و يحمد ربة اننا وظفناه !! (( ياوزيرنا مابالك لا تهتم بشؤونننا نتمنى ان تكون هذه السنة فقط هي لتطوير الموظفين وتحقيق رغباتهم بس هذه السنة من تاريخ الوزارة ))

[الغزواني]

وش نقول وش نخلي
لكن الكتاب هم المشكله
الواحد يشتغل بيده وسنونه عشان ينجز عشان كذا ما احد بينصفك لانك تأدي العمل مليون في المائه عكس البعض ليه بعدها نقول نبي حقوقنا
لكن لو كل واحد يتشغل على راحته والي يتاخر يتاخر ويالله على هذا الوضع ونطالب ونرفع لديوان المظالم صدقوني ناخذ حقوقننا كامله

[ناصر الدوسري]

الغزواني انا لست معك في مسالة عدم الجدية في العمل لان الضحية المراجع والمراجع بشر غلبان يحتاج من يقابلة بنفس طيبة ويسرع من انجاز معاملته فلا اعاقب المراجع عشان الوزارة ماعطتني بدل لو رحت لبنك التسليف او الصيدلية وتلكع الموظف في اعطاك الدواء او حاجتك لتضررت بسبب هالتاخير وكل مايسرع في انجاز عمله ووفر عليك دقايق او حتى اظهر اهتمامه بك كلما فرحت ودعيت له لا بل نخلص في العمل وناديه على اكمل وجه لنحصل على اهم سلاح في كسب القضية (قضيت البدل) الاوهو الدعاء- دعاء الآخرين والمراجعين لنا هو الذي بينصرنا ويخلي الوزارة غصب عليها تعطينا البدل فما فوق الله احد- اوصيكم ياخواني تكون بالاخلاص ولا نعاقب المراجع بالصراخ او العنف او التاخيير او اهماله ولطعه بالساعات من اجل شئ بسيط لان نحن لم تصرف الوزارة لنا بدل طبيعة عمل - انا موظف مثلكم بمكتب الشيخ اكرف كرررف الويل بس الصبر جميل -و اانا اقول مع هذا نطالب نرسل برقيات خطابات ايميلات نناشد كل مرة بدون كلل ولاملل مع اداء العمل على اكمل وجه وباذن الله ننتصر0

[حمود المدمي]

لا نكذب على انفسنا معنويات الموظفين (القدماء) والجامعيين الجدد ليست على مايرام بسبب التجاهل الواضح للموظفين
اخلص في عملك هذا واجب عليك لكن بالحد الادنى اما التميز والابداع تحتاج الى نفسيات مرتفعة وحوافز مشجعة مادية ومعنوية
نقول للوزير اترك اثر ايجابي في نفوس الموظفين تجاهك سئمنا رؤيتك وانت تصرررررررررررح لوسائل الاعلام عن التطوير التطوير ونسيت اهم عنصر من عناصر التطوير (تطوير الموظفين) والاهتمام بشئونهم ورفع معنوياتهم
نسال الله ان يعوض صيرنا خير

[مستخدم حكومي]

اين العدل يا وزارة العدل

[ابو سمر]

الله المستعان من وين تجينا الجديه وتأدية العمل على اكمل وجه
وحنا انشوف التخبط وعدم التنظيم والمحسوبيات شغاله لناس على حساب غيرهم
لا والمصيبة اذا جاك رئيس الدائرة ويقول ابرؤ الذمم ومن هالكلام وهو ماابرى ذمته
موظف سجلات حاطه كاتب ضبط وكاتب ضبط غامته بهالسجلات
ومن قل الدبره اذا واحد من كتاب العدل اخذ اجازة حط كتابه عند كاتب عدل آخر
والمسكين هاللي بهالسجلات لوحده تقل اخطبوط فرز - احالات - شروحات ويكبون عليه هالكتاب
ثم بعد ذلك عاد اتشوف هالاحباط وقل الانجاز ولا فيه اي تحفيز

[ابو سالم]

كثر الله من هذي المطالب المعلمين تجمعوا في فترة بسيطة في منتداهم اكثر من 5000 الف معلم يطالبون ثم تدرجوا في المطالب اللي يطالب امام الوزارة اللي بالايميل الخ ورجوا العالم
حنا صفحتين ماكملنا ونبي نوصل اصوات الكثرة تغلب الشجاعة واقول الكثرة تجيب الحل وتلفت الانتباه كل يقوم بدوره جيبوا الاعلام وجهوه لقضيتنا ولتكون موحدة
اليد الواحدة لاتصفق

[يقولون بدل]

إلى الله المشتكى

ولا حول ولا قوة إلى بالله.