متعاون صحفي
10-01-2011, 01:24 AM
هذه القصيدة فكاهيه وتتكلم عن غيرة الزوجة وإستعجالها في الحكم وخصوصا عندما تعلم أن في نية زوجها الزواج عليها .. وهي من كتابتي وأتمنى أن تنال إستحسانكم ولامانع من إنتقاداتكم ,,
فكرت أتزوج زوجة ثانيه بالحلالي
وقلت واجب أصارح زوجتي بالحـقيقه
وقدمت لها الموضوع بلين وعدالي
و من سمعت طاري الزواج شبـت حريقه
وتقلب وجهها الوان وصاحت ياخرابي
والله ما أجلس معك بالدار لحظه ودقيقه
وانت أصلا ظالم ومن عرفتك أناني
ولاينفع بك المعروف اللي لأجلك عطـيته
ياما سهرت على شانك أيام وليالي
ولوضاق صدرك شلت أنا عنك الضـيقه
واغسل لك خلاقينك وأكويها عدالي
وترجع لي بها وسخه وأرجعـها نظيفه
واطبخلك أنا الكبسه ومعها الإيدامي
وشـاهي وقهاوي وحليـب مع زنجبيله
وشغل البيت كله على راسي لحالي
و مابين كنـس ونفخ وتعـطير ريحـه
وغسيل الصحون وترتيب المقاضي
ومسح جدران البيت مع تغسيل حوشه
هذاوهذاوغيراهتمامي بالأطفالي
وتذكر اذا جاك ضيف أو عنـدك عزيمه
طبخي للعشاء ومع ذيك الصواني
وحـتى الحلى سـويت وـفوقه كريمه
وماعمري طلبت منك جنيه أوريالي
ولو أعـطيتني المـال لحاجتـك خبيـته
ولالبستني ذهب ولاحققت أحلامي
وكل شي يجي منـك ولـو شين تحاليته
وخذتني من اهلي وانا ازين خواتي
وولد عمي ميت يبيني ومابغــيته
وياكثرهم الخطاطيبب اللي خطبوني
وكم واحـد تقدم لي وعـفته ورديتـه
ورضيت بك انت ياخبلي ومغباني
رغم انهم ناصحوني عنك وقلـت بكيفه
قالوا تراه طفران ويسمع أغاني
ودب وقصيروفـوق هذا الوجه شـيفه
وكثير السفر دايم مع فلان وفلاني
ويلعب بلوت للفجرويشرب بعد شيشه
وقلت ربي يهديه عن دروب المعاصي
والرجل معــروف وعلـومه شريفه
واليوم تبي تعرس علي يا اللأناني
ونسيت أفضـالي وكل لحـظه جمـيله
الظاهر عقوبه أو ربي فيك بلاني
اكيد من ذنب انا تمـاديت واخـطيته
أرجوك طلقني وبروح في حالي
واليوم كل واحد منـنا بيسلك طريقه
و قبل مامشي ترى أباخذ عيالي
ولو جيت لهم دونك الباب صكيته
ياخاين المعروف حطمته الأماني
وحطمت معها كل ذكـريات سعـيده
أبشكيك لأهلي وعماني وخوالي
وبفضحك عند كل غريب وغريبـه
وماراح أبد تلقى بحلاتي وجمالي
ولو ماتخلي في البلد باب الا وطقـيته
وبدعي عليك طول ليلي ونهاري
وكل ماحل لي طاريك أو مر طـيفه
و أول صلاتي وعقب السبع المثاني
وانا صــايمه لربي و في وسـط بيته
ومع طلوع الشمس وكل مايذن أذاني
وعقب الضحى بدعي ساعات طويله
ياجعل ربي يبلاك مثل مابك بلاني
وتذكر زماني اللي عفته وخـليته
ويارب تعيش طول العمر وحداني
ويكرهك كل رفيق أغلاك وأغلـيته
وياجعل كل بنت تعشقها بدالي
ترجع لأهلها وتقول ماحبه وماطيقه
وتصيركل أحلامك كوابيس ومآسي
وتطلع من مصايبك وتطيح في مصيبه
رديت على هونك يابنت الحلالي
اناأمزح معك بالقـول والا ماعنيته
وماكان قصدي من طاري الزواجي
الا ابعرف وش غلاي اللي مخبيته
لكن بعد اللي سمعته منك وماجاني
قررت أعرس ومن هذي اللحظه نويته
ردت بصوت هادي وبعذب الكلامي
أرجوك سامحني زلة لسان ليتني قصيته
فكرت أتزوج زوجة ثانيه بالحلالي
وقلت واجب أصارح زوجتي بالحـقيقه
وقدمت لها الموضوع بلين وعدالي
و من سمعت طاري الزواج شبـت حريقه
وتقلب وجهها الوان وصاحت ياخرابي
والله ما أجلس معك بالدار لحظه ودقيقه
وانت أصلا ظالم ومن عرفتك أناني
ولاينفع بك المعروف اللي لأجلك عطـيته
ياما سهرت على شانك أيام وليالي
ولوضاق صدرك شلت أنا عنك الضـيقه
واغسل لك خلاقينك وأكويها عدالي
وترجع لي بها وسخه وأرجعـها نظيفه
واطبخلك أنا الكبسه ومعها الإيدامي
وشـاهي وقهاوي وحليـب مع زنجبيله
وشغل البيت كله على راسي لحالي
و مابين كنـس ونفخ وتعـطير ريحـه
وغسيل الصحون وترتيب المقاضي
ومسح جدران البيت مع تغسيل حوشه
هذاوهذاوغيراهتمامي بالأطفالي
وتذكر اذا جاك ضيف أو عنـدك عزيمه
طبخي للعشاء ومع ذيك الصواني
وحـتى الحلى سـويت وـفوقه كريمه
وماعمري طلبت منك جنيه أوريالي
ولو أعـطيتني المـال لحاجتـك خبيـته
ولالبستني ذهب ولاحققت أحلامي
وكل شي يجي منـك ولـو شين تحاليته
وخذتني من اهلي وانا ازين خواتي
وولد عمي ميت يبيني ومابغــيته
وياكثرهم الخطاطيبب اللي خطبوني
وكم واحـد تقدم لي وعـفته ورديتـه
ورضيت بك انت ياخبلي ومغباني
رغم انهم ناصحوني عنك وقلـت بكيفه
قالوا تراه طفران ويسمع أغاني
ودب وقصيروفـوق هذا الوجه شـيفه
وكثير السفر دايم مع فلان وفلاني
ويلعب بلوت للفجرويشرب بعد شيشه
وقلت ربي يهديه عن دروب المعاصي
والرجل معــروف وعلـومه شريفه
واليوم تبي تعرس علي يا اللأناني
ونسيت أفضـالي وكل لحـظه جمـيله
الظاهر عقوبه أو ربي فيك بلاني
اكيد من ذنب انا تمـاديت واخـطيته
أرجوك طلقني وبروح في حالي
واليوم كل واحد منـنا بيسلك طريقه
و قبل مامشي ترى أباخذ عيالي
ولو جيت لهم دونك الباب صكيته
ياخاين المعروف حطمته الأماني
وحطمت معها كل ذكـريات سعـيده
أبشكيك لأهلي وعماني وخوالي
وبفضحك عند كل غريب وغريبـه
وماراح أبد تلقى بحلاتي وجمالي
ولو ماتخلي في البلد باب الا وطقـيته
وبدعي عليك طول ليلي ونهاري
وكل ماحل لي طاريك أو مر طـيفه
و أول صلاتي وعقب السبع المثاني
وانا صــايمه لربي و في وسـط بيته
ومع طلوع الشمس وكل مايذن أذاني
وعقب الضحى بدعي ساعات طويله
ياجعل ربي يبلاك مثل مابك بلاني
وتذكر زماني اللي عفته وخـليته
ويارب تعيش طول العمر وحداني
ويكرهك كل رفيق أغلاك وأغلـيته
وياجعل كل بنت تعشقها بدالي
ترجع لأهلها وتقول ماحبه وماطيقه
وتصيركل أحلامك كوابيس ومآسي
وتطلع من مصايبك وتطيح في مصيبه
رديت على هونك يابنت الحلالي
اناأمزح معك بالقـول والا ماعنيته
وماكان قصدي من طاري الزواجي
الا ابعرف وش غلاي اللي مخبيته
لكن بعد اللي سمعته منك وماجاني
قررت أعرس ومن هذي اللحظه نويته
ردت بصوت هادي وبعذب الكلامي
أرجوك سامحني زلة لسان ليتني قصيته