يقولون بدل

[يقولون بدل]

السلام عليكم ورحمة الله وبركاته وبعد

الحمد لله وحده فلدي أنا القاضي .....حرر في 16/2/1431هـ
:starwars:
معليش يا جماعة توقعت أنه صك

حقيقة أنا أول مرة أعرف عن هذا الموقع
للمعلومة عرفني عليه أحد الزملاء بارك الله فيه

لكن يقولون فيه بدل

نسمع عنه وما شفناه للفائدة ذكر لي احد الزملاء أنه بيصرف قريب وإلى الآن الكلام له اكثر من سنة وإلى اليوم ما شفنا شيء

حبيت أشارك معكم وهذي أول مشاركة لي.
أرجو التفاعل من الجميع
هل البدل صحيح أم حبر على ورق.

تقبلوا تحياتي وتقديري.

[A7maD]

عليكم السلام ورحمة الله وبركاته

الله يحييك أخوي معانا

وبالنسبة للبدل .. فقد اختفت الأخبار عنه من فترة

والله العالم لا يكونون نسيوه نهائي

الشيخ محمد العيسى يقول ابشروا فالخير قادم

وهذي الكلمة تحمل ملايين التفسيرات

لك ودي

[dari5]

احمد ربك انهم ينزلون لك الراتب اخر الشهر

[موظف عبقري]

اخوي

بدل ايش بالتحديد ممكن تحدد ..!!

[كاتب الشيخ]

هلا باخونا

والله البدل من يوم توظفت وانا اسمع عنه

والظاهر باتقاعد وانا ما شفته

عموما

انا ماصرت اشغل فكري فيه

فائق التحية

[بن هذيل]

اش فيكم مستعجلين على البدل خلاص البدل قيد الدراسة حسب ماقال معالي الوزير والدراسة في بلدنا مابين 15 سنة إلى 30 يعني ماراح تلحق الا في أواخر عمرك الوظيفي

[ال حكمي]

حياك الله اخوي

الخبر اه سنين والله يعين

ان شاالله قريب

[يقولون بدل]

أشكر الجميع على هذا التفاعل

لكن نتمى أن نرى نور هذا البدل قريباً

لكم جميعاً كل الشكر والتقدير

أخوكم يقولون بدل

[متأمل خير]

هذا ـ طول الله عمرك ـ بدل كان يصرف لكتاب الضبط وكتاب العدل قبل عدة سنوات ، بعدين صدر قرار بإلغاءه عن كتاب الضبط وإبقاءه لكتاب العدل ـ وهذا طبعا بعد ما طالبو فيه كتاب العدل وزعلو بسلامتهم ـ والحمد لله رب العالمين لنا الأن سنوات ـ نسمع جعجة ولا نري طحنا ـ يا أخوان:
اني داع فأمنوا < اللهم يا حي يا قيوم اغفر لنا ذنوبنا ويسر لنا امورنا لا إله إلا انت ، اللهم إنك تعلم ضعفنا وقلة حيلتنا فوقفنا يا إلاهنا ويسر لنا أمر البدل وبارك لنا فيه ، انت القادر لا إله إلا أنت > .

[راعي المعروف]

هذا ـ طول الله عمرك ـ بدل كان يصرف لكتاب الضبط من المرتبة الرابعة فما فوق وكذلك كتاب العدل قبل عدة سنوات ، بعدين صدر قرار بإلغاءه عن كتاب الضبط وإبقاءه لكتاب العدل وهذا ليس من العدالة في شي يامعالي اليشخ الوزير ـ طبعا بعد ما طالبو فيه كتاب العدل وزعلو بسلامتهم وبغو يضربون عن العمل لأن كل شي عندهم يهون ماعدا الراتب لاتلمسه ـ والحمد لله رب العالمين لنا الأن سنوات ـ نسمع جعجة ولا نرياي فائدة والتقاعد قريب

[صدري شمالي]

قالو بدل قلت البدل راح دورة === هذا زمان فيه موظفي المحاكم تنداس

[ابن الصحاري]

قالو بدل قلت البدل راح دورة === هذا زمان فيه موظفي المحاكم تنداس


ابن التعليم يســكن بعالـــي قصوره === وابن المحاكم صار يمشــي مع الســـاس:d

[الوفي]

الحمد لله وحده فلدي أنا القاضي .....حرر في 16/2/1431هـ
:starwars:
معليش يا جماعة توقعت أنه صك

حللللللللللللللللللللللللللللللللللللللللللللللللل لللللللللللللللللللللللللللللللللوة

والله حلوة
الله يعطيك العافية