اليوم رحت الخدمة المدنية ..

[فهد البدراني]

السلام عليكم ..

توني جاي من الخدمة المدنية .. سألت عن لجنة التثبيت قالوا في الدور الثالث ..

طلعت الدور الثالث حسب وصف الاستعلامات ودخلت المكتب المقصود وقلت ابي لجنة التثبيت قالوا

مافيه لجنة .. !! اصلاً اللجنة مابعد تكونت .. !! تو القرار طالع قبل يومين ..

( شي غريب صح .. الاستعلامات تقول اللجنة فوق .. وفوق يقولون مافيه لجنة .. !! )

قلت طيب بالنسبة لظوابط احتساب المؤهلات والخبرات هل بتكون مثل التثبيت السابق ولا بتتغير ..

رد علي واحد منهم وقال احتمال كبير انها تتغير ..

قلت تتغير للاحسن ولا الأسوء ..؟؟

قال للأسوء .. خصوصاً في موضوع سنوات الخدمة يمكن تحتسب كل اربع سنوات بمرتبه بدل ثلاث سنوات .. !!!!!!!!!!!!!!!

قلت له ياااااارجل .. ؟؟ قال احتمال احتمال ..

قلت والله ان سويتوها مانخليكم وبنطالبكم ..

ابتسم وقال عاد وش نسوي ..

قلت متى طيب تتوقع بتسوون هالظوابط وتعممونها على الجهات الحكومية ..

قال خلال اسبوعين إن شاء الله ..

قلت شكراً لك ومع السلامة ..

انتهى ..

...............................

وش رايكم ياجماعة الخير .. لو افترضنا ان ظوابط احتساب المؤهلات والخبرات صارت أسوء من التثبيت السابق .. ؟؟ وش الحل ..

ياخي المفروض الأنظمة تتطور موب ترجع وراء ..
بعدين وش يضرهم لو صارت زي السابق .. احد بيدفع من جيبه رواتبنا ..

اعوذ بالله كل هذا حسد .. !!

[*برق*]

السلام عليكم ورحمة الله وبركاته

جزاك الله خير على السؤال ومشوار الروحه للخدمة المدنية
اتمنى اخوي ان تكون الظوابط مثل الترسيم السابق او افضل
وشي جيد اذا كانت بتاخذ اسبوعين علشان يعلموننا الظوابط
الله يكتب اللي في الخير للجميع

[رهين]

اخوي ماسالت عن المستخدمين بخصوص التثبيت

وهل راح يكون في تثبيت هالسنه

[فهد البدراني]

برق : وعليكم السلام ورحمة الله وبركاته ..
واياك .. وإن شاء الله تكون مثل الظوابط السابقة ان لم تكن افضل ..
شكراً لك ..

رهين : المستخدمين مشمولين بالتثبيت .. على مسئوليتي .. :)
وفيه تثبيت هالسنة اذا كانت فيه شواغر في جهة عملك ..
لكن هل جهة عملك بتفزع لك ولا بتقول لك السنة الجاية ..

شكراً للجميع ..

[سعود الحربي]

والله يا شباب هذا اللي أنا متوقعة وسبق وأن وضحت ذلك في ردي على أحد المواضيع

يعني يا شباب لا يمكن لأي شخص كان أن يتنبأ ويخبرك بماذا تستحق من مرتبه وهل الترسيم يشملك أو لا إلا بعد انعقاد اللجنه ووضع الضوابط للترسيم

وهذا ردي السابق على هذا الرابط
http://mahoff.net/vb/showthread.php?t=4447&page=2

[ابو سالم]

اشكرك على اهتمامك بارك الله في كل خطوة خطوتها

الامر فيه شوية احباط اذا هم من سئ الى اسوا ولكن

المطالبة لابد ان تستمر باعطاء كل ذي حق حقه نظاما

ومن ناحية فزعات الجهات فلا وربي ماتجد اللي يسرك الا القليل الموضوع مو عاجب بعض العرب
ومن ناحية الحسد 000فالحسد من زمان ولا كان من اول مادخلنا هالنفق المظلم للاسف وبكل اسف

[مدير إدارة]

أخوي فهد البدراني

الله يبيض وجهك يالغلا

وحقيقة مجهود تشكر عليه والله يسعدك يارب

ونسأل الله ان تكون الامور للأفضل

ولا تكون للأسوء كما ذكر هالموظف

على العموم تبقى الكلمة الأولى والأخيرة للجنة المكونة

وندعو الله ان تكون في صالح الجميع وخاصة في احتساب سنوات الخدمة

الله يوفقكم يارب جميعا

الف شكر لك اخوي فهد

[عبيد الشريف]

يعطيك العافيه اخوي فهد ونتمنى ان تكون القرارات الى الاحسن لا الى الاسوى والموظف ذا اقلعه ماعنده سالفه ههههههههه صدقني واعتمد علي اخوي فهد

[فهد البدراني]

الله يعافيكم جميعاً .. ونتمنى ان اللجنة ماتدهورنا بقرار تعسفي ولا شي ..
وترا كلمت عن هالمشكلة بعض الصحفيين منهم الدكتور عبد الرحمن الشلاش يكتب في الجزيرة
ووعدني يكتب مقال يوم الجمعة القادم ..
عسى الله ييسر امورنا آمين ..
شكراً لكم جميعاً .. والله يوفقنا وياكم ..
وهالموظف نبي نقلعة على قولة عبيد .. :)