مته نباشر اخوتي من يفيدنا وله الدعاء

[اسهيل]

اخوتي انا من الدفعة الثانية من كتاب الظبط واتممت الكشف والفحص الطبي وسلمت الاوراق وقالولي ندق عليك والي احين مادقو لهم ثلاث اسابيع فمته بيدقون

الشي الاخر هل انشاء الله سوف يتم تعييني بالرياض لاني سمعت ان مدينة الرياض بحاجة لكتاب الظبط
االهم وفق الجميع لما تحبه وترضاه

[فواز]

نفس السؤال ارجو ممن لديه اجابة يسدحها في هذا الموضوع

وله الشكر

[خريج جامعي]

يا شيخ حتى الدفعة الأولى ما قد باشروا واحتمال ( قلت انا احتمال ) يكون فيه دفعة ثالثة لان فيه معتذرين من الدفعة الثانية وانا مثلكم من الدفعة الثانية من ابها

توقعي ان المباشره راح يكون بعد بعد سته (( مجرد توقع ))

[يطردني السراب]

:throb::thumbup::throb::thumbup::throb:ماشاء الله تبارك الله الف مبروك لكم القبول في الوظائف:throb::thumbup::throb::thumbup::throb:

انا لما انقبلت في الوظيفة انتظرت شهرين وبعدها اتصلوا عليّ فرع الوزارة قالوا لي رح باشر .. بس خل جوالك مفتوح ولا تنسا من يوم تباشر ارفع مباشرتك وارفع بدل تعيين

:throb:الله يوفقكم ويسددكم:throb:

[موظف مدني؟]

الله يوفقكم والصبر زين

[البصمه]

إخوتي أتاني خبر اليوم الثلاثاء13/5/1431هـ من أحد الأحبة في الوزارة(العدل)انهم بدؤ في اصدار القرارت مع العلم أنها موقعة من اسبوع وأحد الأخوة استلم قراره اليوم وعندنا واحد سأل الوزارة وأجابوه بعد الحاح الأسبوع الجاي عموما ذا تبون النصيحة البدار البدار بالذهاب الى الوزارة والسؤال من المسؤل المباشر وانا متأكد ان ماطلعت بالقرار والا واعدوك في اقرب فرصة ولك تحياتي:::

[بن دخيل]

يا اخوان العجله مهيب زينه و الله ييسر
وكل مطرود ملحوق

[ابو في الزهراني]

نصيحه لوجه الله
من هو غير محتاج لهذه الوظائف من خريجي الجامعه
ان يصبر ويتوظف في التعليم لان هناك فرق كبير في الراتب
والاجازات والدوام والنقل والراحه النفسية واذان الظهر وانت في بيتكم والمدرسه جنب البيت
واذا طفشان من مدرستك او مديرك السنه الجايه تنقل غيرها
اما وزارة العدل قابلني اذا نقلت الا بطلوع الروح وراتب زي عدمه
وبعض المشايخ يعتبرك عبد عنده منة موظف حكومي وكلمته مسموعه

[اسهيل]

ابو في الزهراني الله رحم ولديك التدريس زين اول احين كل شي على المدرس وماهو اهم شي في الحياة المال اهم شي يكون الانسان في صحة ياخي انت ماتقدر تربي عيالك وشلون عاد عيال الناس والتدريس زين في بعض المناطق النائية القليلة السكان علشان ماعندك طلاب واجد وســـــــــــــــــــلام

[ابو في الزهراني]

اخوي اسهيل شاكر مرورك ويعطيك العافيه

والله انك تتعامل مع طلاب اصرف لك من ان تتعامل مع شيبان
يتكلمون عليك ويسبونك ولاتقدر تفتح فمك
وفوق كذا كله الحق مع المراجع
يعني رايح في الطوشه في كلا الحالات

[اسهيل]

الله يعني انا اخوي اعرف مدرسين يسبون ويشتمون في التدريس وعرف ممدرسين في المحافظات يمدحون في التدريس يعني اصابعك مهب سوى وانا اعرف كتاب ظبط يمدحون في الكتابه شفلك شيخ ثاني اظبط عنده يمكن يزين الشغل ايضا ممكن انشاء لله يطلع تعيين في الرياض مايحتاج اروح عن اهلي وتعرف انا ساكن في بيت مع اهلي يعني مافيه ولله الحمد مصاريف ايجار ولله المستعان
الله يوفق الشباب الي ردو ويجزاهم خير امين
وسوال الاهم هل الرياض في احتياج لكتاب ظبط ودمتم ؟

[أبومالك]

أخي الكريم السلام عليكم ورحمة الله وبركاته أمس اتصلت على مكتب الصبيح ورد على أحد الموظفين وقال ان شاء الله الأسبوع القادم ستعتمد وأما مكان التعيين تكون بنفس المنطقة التي قدمت فيها هذا والله أعلم وصلى الله على نبينامحمدأخوك أبو مالك لأتنس الدعاء لنا

[المعالي]

يا اخوان انا مع كلام ابو في الزهراني . وصدقوني بتندمون تحسبون انكم بتتوظفون على مكاتب ولكم كلمة واحترام لكن انا زميلكم وجامعي واحب ان اهمس في اذن كل واح منكم((يمكن تكون مراسل في البداية لا تضايقون اوك)) ثم بعدين تترقون مراسل جامعي ترون عادي ابتسم فأنت جامعي هههه وبعدين جهز يدك للقص واللزق وللكتابة وخذ لك عداد واحسب كم كيلو من الكتابة مشيت في اليوم ,وكمان لابد تعرف كيف تصور الضبوط (تراها كبيرة لا تحسبها دفاتر)وتعرف مقاسات الورق وايضا من الحين سجل في عيادة العيون والأعصاب يمكن تحتاجهما,وازيك من الشعر بيت الترقيات ردد يا ليل انا لا تقول جامعي وبتمشي ترقياتك هذا اول احسب 10 شهور بتطوفها. وانا ما اقول لك هالكلام الا من تجربة . بس في شي بتوفره وهي وجبة( الغداء) لانك بتصل البيت هلكان وما تدور الا للفراش . اكيد ما بتصدقوني لكن اللي اتمناه انكم بس تذكرون كلامي بعد 5 او 6 شهور بس وبتندمون على دخلوكم في هذا المجال . ولو االقى الحين وظيفة غير هذي والله ما بتأخر , نصيحة لوجه الله ترون ما بدفع رواتبكم ولا شي بس والله اني اقول كلام وبتعرفون صدقه بعد حين, وربي يوفقكم يا زملائي كتاب الضبط والسلاااااااااااااااام

[الموظف المثالي]

المعالي .. خير إن شاء الله

حطمت الرجال وهو بعده ما باشر وش ذا .. لا تقيس على عملك

أنا يمر باليومين ما أستلمت ولا إحاله ولا معاملة .. الحمد لله مكيف وشاي وراحة بال
وإذا على الرواتب فهذا رزقك اللي كاتبه الله لك .. !!

[أبـو سعود]

أنا أشكركم على هذا المنتدى الرائع وأنا أتشرف بأن أكون معكم لأول مره لاني كاتب ضبط وانتظر المباشره لاكن عندي بعض الاستفسارات بخصوص المباشرة للدفعه الاولى من كتاب الضبط كما قرأنا من الأخوة واحد يقول على وشك واحد يقول الاسبوع الجاي نبي العلم الوكاد .. ولكم فائق الاحترام

[أبـو سعود]

أنا أشكركم على هذا المنتدى الرائع وأنا أتشرف بأن أكون معكم لأول مره لاني كاتب ضبط وانتظر المباشره لاكن عندي بعض الاستفسارات بخصوص المباشرة للدفعه الاولى من كتاب الضبط كما قرأنا من الأخوة واحد يقول على وشك واحد يقول الاسبوع الجاي نبي العلم الوكاد .. ولكم فائق الاحترام

[أبـو سعود]

أولا أشكركم ع هذا النقاش ولعلي أتشرف بالانضمام اليكم علما أني كاتب ضبط انتظر المباشرة لكن أبي اعرف واحد يقول بعد اسبوع واحد يقول بعد شهر واحد يقول جاهزة عند الصبيح أبي العلم الوكاد من ثقة يااخوان والله العظيم النفوس ملت آمل الرد واسأل الله لكم الجنة

[اسهيل]

اخوي اذا نادوك علمنا علشان يكون عندنا خبر انت اكيد من الدفعه الاولى وعلمنا وين تعيينك

[أبـو سعود]

اخوي اذا نادوك علمنا علشان يكون عندنا خبر انت اكيد من الدفعه الاولى وعلمنا وين تعيينك

الله يجيب اللي فيه خير وانا خوك ويوفقنا واياكم لمايحب ويرضى

[أبو رشـــا]

اقتباس:
المشاركة الأصلية كتبت بواسطة المعالي http://mahoff.net/vb/ma/buttons/viewpost.gif (http://mahoff.net/vb/showthread.php?p=4990#post4990)
يا اخوان انا مع كلام ابو في الزهراني . وصدقوني بتندمون تحسبون انكم بتتوظفون على مكاتب ولكم كلمة واحترام لكن انا زميلكم وجامعي واحب ان اهمس في اذن كل واح منكم((يمكن تكون مراسل في البداية لا تضايقون اوك)) ثم بعدين تترقون مراسل جامعي ترون عادي ابتسم فأنت جامعي هههه وبعدين جهز يدك للقص واللزق وللكتابة وخذ لك عداد واحسب كم كيلو من الكتابة مشيت في اليوم ,وكمان لابد تعرف كيف تصور الضبوط (تراها كبيرة لا تحسبها دفاتر)وتعرف مقاسات الورق وايضا من الحين سجل في عيادة العيون والأعصاب يمكن تحتاجهما,وازيك من الشعر بيت الترقيات ردد يا ليل انا لا تقول جامعي وبتمشي ترقياتك هذا اول احسب 10 شهور بتطوفها. وانا ما اقول لك هالكلام الا من تجربة . بس في شي بتوفره وهي وجبة( الغداء) لانك بتصل البيت هلكان وما تدور الا للفراش . اكيد ما بتصدقوني لكن اللي اتمناه انكم بس تذكرون كلامي بعد 5 او 6 شهور بس وبتندمون على دخلوكم في هذا المجال . ولو االقى الحين وظيفة غير هذي والله ما بتأخر , نصيحة لوجه الله ترون ما بدفع رواتبكم ولا شي بس والله اني اقول كلام وبتعرفون صدقه بعد حين, وربي يوفقكم يا زملائي كتاب الضبط والسلاااااااااااااااام




ياحبيبي وشي اكون مراسل

ليه اشتغل عنده انا

مسمى وظيفتي واضح

ومايفصلني الا الملك

اذا فيه ناس طيبه وتسكت على اللي يطلبون منها مالي شغل فيهم
خلنا نكون واقعيين شوي

اذا يبي يقيمني صفر << هذا اذا كان فيها تقييم

فأنا ما ابغى نقل لو كنت في قريه <<< جالس اعمر بيتي عندهم وخله ييأيس مني

اشتغل شغلتي اللي متوظف عليها فقط <<< شهادتي زي شهادته واللي يبي ريال أعطيه عشره

اعتذر على ردي اذا كان جاف شوي بس كلامك غير واقعي
ومجرد ما اوقع على مباشرتي مالي شغل في أحد

اشتغل شغلي وووووووووووووووبس
وابري ذمتي قدام ربي واكل حلال هذا اهم شي


تقديري واحترامي لشخصك الكريم

بالغ ودي ،،،

[A7maD]

ترقبوا في خلال هاليومين إن شاء الله

[عدل نت]

الله يسلمكم الوزارة حايسه والمعاملات مطوله ولكن كل واحد لديه معاملة يراجعها ويشغلهم بنفسه يتابع معاملته . لأنها أحياناً من القسم إلى الصادر تأخذ اسبوع

[أبـو سعود]

ترقبوا في خلال هاليومين إن شاء الله

الله يسمع منك ويبشرك بالجنة بس سؤالي هل في اخر الشهر عادي يعني تباشر مافي مشكله! اللي اعرفه تكون بداية شهر تقبل تحياتي

[أبو يوسف]

نتمنى لكم التوفيق

[سموالكاتب]

أخي الغالي
جميعنا ننتظر ,, والوزاره تواعد خير بئذن الله ,, والعلم عند الله..

[أبو ميـــــــــــــــار]

واحد من قرايبي راح للوزارة اليوم السبت 24/5 وقالوا له:
تنزل القرارات في فروع الوزارة يومي الأثنين والثلاثاء القادمة بإذن الله
وللجميع تحيااااااااااااتي

[أبـو سعود]

واحد من قرايبي راح للوزارة اليوم السبت 24/5 وقالوا له:
تنزل القرارات في فروع الوزارة يومي الأثنين والثلاثاء القادمة بإذن الله
وللجميع تحيااااااااااااتي
بيض الله وجهك يابو ميار وخبر يفرحنا كثير وأن شا الله يصدقون هالوزارة كل يوم تقول خبر

[أبو ميـــــــــــــــار]

اقتباس:
المشاركة الأصلية كتبت بواسطة أبو سعود http://mahoff.net/vb/ma/buttons/viewpost.gif (http://mahoff.net/vb/showthread.php?p=5051#post5051)
بيض الله وجهك يابو ميار وخبر يفرحنا كثير وأن شا الله يصدقون هالوزارة كل يوم تقول خبر


و وجهك أبيض
الله يتمم للجميع بخير
ولكم تحياااااااااااتي

[اسهيل]

اخوتي هل انتم تتكلمون عن الدفعه الاولى ام الدفعة الثانية وياليت بعد ماينادنكم تعلمونا وين التعيين ان شاء لله كل واحد بديرته لني انا عندي والدي كبير بسن ولا اقدر اخليه وكذالك الوالده
الله ييسر الامور

[أبـو سعود]

بشروا ياأحباب هل من جديد عن المباشرة الدفعه الأولى !!
أبوميار والمدير العام وجزل دائما نتفائل بأخباركم ومصادركم تكفون أذا في جديد

[أبو ميـــــــــــــــار]

للأسف أتى يوم الثلاثاء ولم يأتي معه أي جديد
نتفاءل خير ونقول كل تأخيره فيها خيره
وللجميع تحياااااااااااتي

[أبـو سعود]

[QUOTE=أبو ميـــــــــــــــار;5158][center]للأسف أتى يوم الثلاثاء ولم يأتي معه أي جديد
نتفاءل خير ونقول كل تأخيره فيها خيره
وللجميع تحياااااااااااتي[/

آخر أمل بكرة أذا مافي شي معناته مافي الا في شهر رجب والله العالم بس أن شا الله نقول كل تأخيره فيها خيرة بس اللي يقهرك أنهم مايعطوك خبر صحيح والله العظيم كأن الواحد يتكلم من راس خشمه وكأن الوزارة لأبوه ياخي أين التواضع والأدب في الكلام أقل شي قل أن شا الله جاهزه وتحتاج لأيام أعطه أمل مو ماأدري

[أبومالك]

أخي الكريم وفقك الله لما يحب ويرضى اليوم 28\5 اتصلت على الوزارة وقالوابالنسبة للدفعة الاولى بعد عشرة أيام والدفعة الثانية بعد ثلاث اسابيع الى شهر

[أبو سعيد]

اقتباس:
المشاركة الأصلية كتبت بواسطة أبومالك http://mahoff.net/vb/ma/buttons/viewpost.gif (http://mahoff.net/vb/showthread.php?p=5172#post5172)
أخي الكريم وفقك الله لما يحب ويرضى اليوم 28\5 اتصلت على الوزارة وقالوابالنسبة للدفعة الاولى بعد عشرة أيام والدفعة الثانية بعد ثلاث اسابيع الى شهر


ما أظن الخبر هذا صحيح مع احترامي الشديد لكاتبه وفي نفس الوقت يقع اللوم بأكمله على موظف الوزارة الذي أفاد بشيء أتوقع أنه على شاكلة إفاداتهم السابقه التي لم توافق الحقيقة ولو بالصدفة،،،،لمـــــــــــــــــــــاذا؟؟؟؟؟ لأن هناك شيء معروف في الوظائف وخاصة الإدارية بأن مباشرتها عادةً تكون من تاريخ 1 من الشهر وليست من أي وقت أثناء الشهر...يعني ما فيه إلا من 1/7 ونــــــــــــــــازل.
لا أحد يجيني ويقول خلك متفائل لأنا تفائلنا إلى أن تشائم منا التفائل

[كاتب الضبط المكروف]

اللهم وفق كتاب الضبط الجدد في وظائفهم و عجل بمباشرتهم حتى يفزعوا لنا يا مجيب الدعاء
و أجعل اكثرهم في كتابات العدل خاصه إدارتنا إنك على كل شيء قدير . الشعلاني

[الغزواني]

التعيينات مالها وقت محدد انا متعين في يوم 23 يعني مو بالضروره من بداية الشهر وعادي بقية الايام من نفس الشهر تجيك في شيك مستقل عن راتب الشهر الي بعده
والتعيينات الجميع ينتظرها لانها تاخرت حيل والظاهر انهم ينتظرون الترقيات من السادسة للسابعه حتى يرقون على نفس الوظائف والله يعين الي من الخامسة للسادسة وشكرا