اذا لم نطالب بحقنا فلن يطالب لنا احد اين الجادين ؟

[اسهيل]

السلام عليكم
تعلمون اخوتي عن مافعله المعلمين من رفع شكروى ودعوى في ديوان المظالم بشأن الحصول على حقوقهم من فروقات ومستويات وغيرها ويعتبرون اروع مثل للمطالبه بحقك كموظف
فلماذالا نحذوا حذوهم ونطالب بحقنا وهو 20% ليست بدل كتابة الظبط انما ايضا مقابلة جمهور ومايترتب من اثار نفسية على الموظف وخاص في المحاكم فذالك مقيد بسلاسل وهذا محكوم عليه بقصاص وغيرها من المشاكل اجارنا الله منها
الخلاصة : تتمثل في البحث عن محامي جيد وبمقابل مال وسعر مناسب يتم اعطائه ويتم ذهاب عدد من موظفي كتاب الظبط اليه ثم يعطونهم المبلغ في مكتبه بعد الاتفاق وسواله عن مدى
نجاح الدعوى في الديوان والاشاره الي راي الشورى عن ذلك وتكلفت ذلك مبلغ زيهيد يقوم عدد من الموظفين بدفعه وان لم نطالب بحقنا فلا احد سيطالب لنا ؟

[الغزواني]

اعتقد ان الكثير سيطالب لان الحق لا ياتي دون مطالبه
ولكن لا نريد بدل فقط نريده يكون في اصل الراتب
بالعربي كادر جديد لموظفي المحاكم

[اسهيل]

الي هو بس نطالب وكله شوي دراهم راح نعوضها بكم شهر بدل

[الموظف المثالي]

أنا معكم وسجلوا معي 30 موظف

الهمة يا شبااااب

أهم شي اختيار المحامي

[اسهيل]

خلاص اي محامي يجوزلك انت وثلاثين الي معك في الرياض نتواعد عنده ونكلمه ونجمع البملغ المستحق والذي يطلبه شارع الستين مليان محامين كويسين

[اسهيل]

هاه شفلنا محامي تكفى يالمثالي بس لزم تجيب من الجريدة الي فيها موافقة مجلس الشورى

[بن هذيل]

ياشباب احنا نبغى أصدار سلم خاص بالكتاب والله حرام يساونا بالموظفين الإداريين اللي مايشتغلون ربع شغلنا وأحنا من صباح الله نكرف .

والله لو يدري ملك الأنسانية ابو متعب باللي أحنا فيه من ضغط عمل أنه ليصدر أمر ملكي على الفور بأصدار سلم خاص لنا .

شباب الوزارة في مكة معكم ..

[كن متفائلا]

إيييه يا زمن .. والله يا شباب لا الخدمة المدنية حاسه ولا وزارة العدل داريه عن معاناتنا .. حنا يا شباب بصراحه يصراحه .. مالنا حل واحد هو مقابلة الملك عبد الله نجيب محامي ونوكله وفي الأخير (الدعوى مرفوضه شكلا مقبوله مضمونا) مصطلح جدبد في عالم المحاكم .. وإنتم أدرى بحركتهم الأخيرة في المعلمات والمعلمين .. فيا شباب إنتم فيكم شده نتحد سوى ونقابل الملك عبد الله ولا رجاء خاص ما نبي يصير هذا المنتدى يكون محل تفريغ فقط .. وش قلتوا ؟

[المغــــرم]

المقام السامي هو الحل الوحيد بعد الله
خلونا نرفع لخادم البيتين صدقوني ما راح يقصر

[عبدالملك]

ابو متعب هو القادر على انصافنا بعد الله عز وجل

فلن يردنا بإذن الله وليس من عادته حفظه الله أن يرد أحدا

لذلك أضم صوتي لمن قال أن ابو متعب هو الحل الأفضل فهو والدنا ولا حرج أن يتوسل الأبن

بوالده ..

السؤال كيف نوصل له معناتنا وما هي الألية المتبعة لمقابلته ؟

أسكن بعيدا عن الرياض بمسافة 7 ساعات في السيارة مع ذلك أنا مستعد للحضور مع زملائي في

الأمر .. أخواني لنتكاتف ونسعى جاهدين كي نحصل على ما نصبو اليه ..

[اسهيل]

طيب اخوتي لي حددو اليوم وخلونا نروح للملك الله يحفظه او كل واحد يرسل برقيه للملك بوبكدا يكون صوتنا وصل له

[كن متفائلا]

يا شباب شيلوا من راسكم برقيات تراها ما تفيد .. ويمكن تطيح بأيدي ناس ما يخافون الله ومن توصل البرقية إلا وهي في الفرامه زي الفرامات اللي تكون بجنب الشيخ .. ولا يردون عليها بالنيابة عن الملك بتصريفه يحبها قلبك .. أنا أقترح وضع موضوع مثبت بمن عنده استعداد بمقابلة الملك عبدالله ونشوف ردة فعل الأعضاء وذيك الساعه نشوف افتتاح هذا المنتدى أثمر بنتيجه ولا الدعوى بمثل ما ذكرت مجرد تفريغ هموم .. حنا لازم يكون لنا هيبه كمثل المعلمين وغيرهم .. نحن نحمل شهادات جامعية وليس المعلمين أقل منا في ذلك .. فيجب أنا نطالب بالكادر اللي مدري وش صار عليه وببدل كاتب الضبط .. يا شباب حنا مالناحل إلا نسوي ضجه إعلاميه وعن طريق الجرايد .. أنا من دخلت هذا المنتدى وما أشوف أية حركات .. بس الله يعين الله يفرجها الله يسهل ... طيب وبعدين .. الله سبحانه وتعالى ما قال لنا اقعد مكتوف الأيدي إن لك حق راح تاخذه واعمل بالمسببات والله سبحانه وتعالى راح يسهل أمورنا بعد توفيقه ..